"Red" by Neha
naseeb aazamaaney ke din aa rahe hain
qareeb un ke aaney ke din aa rahe hain
jo dil se kahaa hai jo dil se sunaa hai
sab un ko sunaane ke din aa rahe hain
abhii se dil-o-jaa.N sar-e-raah rakh do
ke lutane lutaane ke din aa rahe hain
Tapakaney lagii un nigaahon se mastii
nigaahe.n churaane ke din aa rahe hain
sabaa phir hamein poochtee phir rahii hai
chaman ko sajaaney ke din aa rahe hain
chalo "Faiz" phir se kahii.n dil lagaayen
sunaa hai thikaaney ke din aa rahe hai.n
- Faiz Ahmed Faiz
No comments:
Post a Comment