Jo tera tha

"Droplets" by Neha

Jo maal tera tha kal tak wo ab paraye ka hai

Yahi rivaz mere shahar ki saraye ka hai

Isiliye to musalsal shikast khate hai

Hamari fauj main senapati kiraye ka hai

Jo doston ki tarah milta hai andhere main

Wohi ujala to dushman hamare saaye ka hai

Dikhai deta hai jo bhediye ke honthon par

Wo laal doodh hamari safed gaaye ka hai

Sharif log bhi 'rahat' se milne julne lage

Wo ab sharab ka aashiq nahi hai chaaye ka hai

- Rahat Indori

Dosti jab kisi se ki jaye

" To the other side" by Neha

Dosti jab kisi se ki jaye

Dushmanon ki bhi raye li jaye

Maut ka zahar hai fizaon may

Ab kahan ja ke sans li jaye

Bas isi soch may hun duba hua

Ye nadi kaise par ki jaye

Mere mazi ke zakhm bharane lage

Aj phir koi bhul ki jaye

Botalen khol ke to pi barason

Aj dil khol ke bhi pi jaye

- Rahat Indori

Log har mor pe

"Pause" by Neha

log har mor pe ruk ruk k sambhalte kyun hain

itna darte hain to phir ghar se nikalte kyun hain

main na jugnu hun diya hun na koi tara hun

roshni wale mere nam se jalte kyun hain

nind se mera talluq hi nahin barson se

khwab a a k meri chat pe tahalte kyun hain

mor hota hai jawani ka sambhalne k liye

aur sab log yahin ak phisalte kyun hain

- Rahat Indori

Kya kya hai

"The Flight" by Neha

Gulaab, khwab, dawa, zeher, jaam, kya kya hai

Mai aa gaya hoon bata intezaam kya kya hai

Faqeer, shah, qalandar, imaam kya kya hai

tujhe pata nahee tera ghulam kya kya hai

Naye safar ka naya intzaam keh dengey

Hawa ko dhoop chirago ko shaam keh dengey

Kisee se haath bhee chupkar mila-e-ye

Varna isey bhee maulwi sahab haram keh dengey

Loo bhee chaltee thee to woh badey saba kehtey they

Pao phailaye andhero ko ziya kehtey they

Unka anjaam tujhe yaad nahee hai shayad

Aur bhee log they jo khud ko khuda kehtey they

Sooraj, sitarey, chaand merey saath mein rahey

Jab tak tumharey haath merey haath mein rahey

Shakhaon se toot jaayein woh pattey nahee hain hum

aandhee se koi keh de ke auwkat mein rahey

Kabhee mehek kee tarah hum gulo se udtey hain

Kabhee dhooye kee tarah parvat se udtey

Ye kaincheeyan humein udney se khaak rokengee

kee hum paro se nahee hoslon se udtey hain

kee humein labey deeyo kee hawa mein uchaltey rehna

gulo ke rang pe tezaab daaltey rehnaa

Mai noor bankey zamaney mein pher jaaoonga

Tum aftab mein keedey nikaltey rehna

- Rahat Indori

Notes: What a lovely poem....hear Rahat Indori's awesome , funny and moving recital here: http://www.youtube.com/watch?v=XroXS-k_XOw&feature=related

[Key to Urdu words: Ziya = Light, Qalandar = Sufi, Aftab = Sun]

Hum Qalandar Hain

"Road sign" by Neha

kaam sab ghair zaruuri haiN jo sab karte haiN
aur hum kuchh nahiiN karte haiN ghazab karte haiN

hum pe haakim kaa koii hukm nahiiN chaltaa hai
hum qalandar haiN, shahanshaah laqab karte haiN

aap kii nazroN meN suuraj kii hai jitnii azmat
hum chiraaGoN kaa bhii utnaa hii adab karte haiN

dekhiye jisko use dhun hai masiihaaii kii
aajkal shahroN ke biimar matab karte haiN

-Rahat Indori