Door se door talak ek bhee darakht na tha

Door se door talak ek bhee darakht na thaa
tumhaare ghar kaa safar is qadar to saKht na thaa

[daraKht = tree; saKht = difficult/hard]

itney masroof they ham jaaney kii taiyaaree mein
khadey them tum aur tumhein dekhney kaa vaqt ka thaa

[masroof = busy]

main jis kee khoj mein Khud kho gayaa tha meley mein
kaheen vo meraa hee ehasaas to kambakht na thaa

[Khoj = search,kambakht = unfortunate]

jo zulm sah ke bhii chup rah gayaa na Khaul uThaa
vo aur kuchh ho magar aadamii kaa rakt na thaa

[Zulm = atrocity, Khaul = boil; raqt = blood]

unhii.n faqiiro.n ne itihaas banaayaa hai yahaa.N
jin pe itihaas ko likhane ke liye vaqt na thaa

[itihaas = history]

sharaab kar ke piyaa us ne zahar jiivan bhar
hamaare shahar me.n 'Neeraj'-saa ko_ii mast na thaa

- Gopaldas Neeraj