Madhushaala..

Madiralay jaane ko ghar se chaltaa hai peenewaala

kis path se jaaoon asmanjas mein hai wo bhola bhaala

alag alag path batalatey sab par main ye batlata hoon

raah pakad tu ek chalaa-chal paa jaayega madhushaala

*

Sun kal-kal chal-chal madhu-ghat se girti pyalon mein haala

sun run Jhun-Jhun chal witran karti madhusa ki baala

bas aa pahunche door nahin kuch chaar kadam aur chalna hai

chahak rahe sun peene waale mehak rahi le madhushaala

*

Naal sura kee dhaar lapat see keh na dena ise jwaala

madira hai math isko keh dena urr ka chaala

dard nasha hai is madira ka wigat smritiyan saaqi hain

peeda mein anand jise ho aaye meri madhushaala

*

Sumukhi tumhara sundar mukh hi mujh ko kanchan kaa pyaalaa

chhalak rahi hai jisme manik roop madhur maadak haalaa

maiN hi saaqi banta main hi peene waala banta hoon

jahan kahin mil baithe hum tum wahin gaee ho madhushaala

*

Girti jatee hai pratidin pranyani prano kee haala

magn hua jaata din-pratidin subhge mera tan pyaala

rooth raha hai mujhse roop si din-din yauwan ka saaqi

sookh rahi hai din-din sundari meri jeewan madhushaala

*

Chote se jeewan mein kitna pyaar karoon peeloon haala

aane ke hee saath jagat mein kehlaaya jaane-waala

swaagat ke hee saath wida ki hothi dekhi tayyaari

band lagi hone khulte hee meri jeewan madhushaala

*

About the Poet: Madhushala is one of Shri. Harivansh Rai Bachchan's most famous compositions. When it was first published in 1935, Dr. Bachchan became famous overnight. The poem has total of 135 verses. Each verse is called a rubaai . All the rubaai's end in the word Madhushala ( which means wine house).Madhushala and haala (wine) serve as the basic metaphors in the poem and are used to symbolize life and all it's constituents - love, beauty, pain ,joys and hope.

*****

Mitti ka tann, mastee ka mann,

kshan bhar jeevan mera parichay

- Harivansh Rai Bachchan

*****

References:

1. For English translation of Mashushala see http://www.cs.rice.edu/~ssiyer/minstrels/poems/72.html

2.For Complete Hindi text of Madhushala see : http://manaskriti.com/kaavyaalaya/mdhshla.stm

3. For more Madhushala couplets written in English see: http://members.tripod.com/~ghazal/madhusala.html

4. For Biography of Harivansh Rai Bachchan and his other works see : http://en.wikipedia.org/wiki/Harivansh_Rai_Bachchan