Woh to hum mein tum mein karar tha..

vo jo hammein tum mein qaraar thaa tumhein yaad ho ke na yaad ho
vahii yaanii vaadaa nibaah kaa tumhein yaad ho ke na yaad ho

vo naye gile vo shikaayatein vo maze maze kii hikaayatein
vo har ek baat pe roothnaa tumhein yaad ho ke na yaad ho

koi baat aisii agar huii jo tumhaare jii ko burii lagii
to bayan se pahale hii bhuulanaa tumhein yaad ho ke na yaad ho

suno zikr hai kai saal kaa, koi vaadaa mujh se thaa aap kaa
vo nibaahane kaa to zikr kyaa, tumhein yaad ho ke na yaad ho

kabhii hammein tum mein bhii chaah thii, kabhii ham se tum se bhii raah thii
kabhii ham bhii tum bhii the aashnaa, tumhein yaad ho ke na yaad ho

hue ittefaaq se gar baham, vo vafaa jataane ko dam-ba-dam
gilaa-e-malaamat-e-arqabaa, tumhein yaad ho ke na yaad ho

vo jo lutf mujh pe the beshtar, vo karam ke haath mere haath par
mujhe sab hai.n yaad zaraa zaraa, tumhein yaad no ki na yaad ho

kabhii baiThe sab hai.n jo ruu-ba-ruu to ishaaraton hii se guftaguu
vo bayaan shauq kaa baramalaa tumhe.n yaad ho ki na yaad ho

vo biga.Danaa vasl kii raat kaa, vo na maananaa kisii baat kaa
vo nahiii.n nahii.n kii har aan adaa, tumhe.n yaad ho ki na yaad ho

jise aap ginte the aashnaa jise aap kahate the baavafaa
main vahii huu.N "Momin"-e-mubtalaa tumhein yaad ho ke na yaad ho

- Momin

Trivia:

1. This touching poem by Momin is one of the most famous poems in Urdu Literature

2.Momin Khan ( 1800-1851) was an Indian poet famous for his urdu ghazals and used "Momin" as his takhallus (the Urdu word for nom de plume). He was born in Delhi. He was also called "Hakeem Momin Khan" because he was a physician also. Hakeem is an Urdu word for physician. Read more about him at http://en.wikipedia.org/wiki/Momin_Khan_Momin

3. Listen to this ghazal on You-tube:http://www.youtube.com/watch?v=AH0x2CvTec0&feature=related